အဆိပ်မဲ့အရိပ်သစ်ပင်
အို-----အသင်သစ်ပင်
သင်ဟာ တို့တမျိုးသားလုံးအတွက် နားခိုရာ မရှိမဖြစ်တဲ့ အရိပ်သစ်ပင်
အသင်ရဲ့ သက်တမ်းကား အိုမင်းရင့်ရော်ကာ ဆယ်စုနှစ် ခြောက်ခုပြည့်မြောက်ပြီးဖြစ်လဲ
သင်ရဲ့ရွက်ဟောင်းများ ကြွေကျမြေခကြလဲ
မပြိုမလဲ ထီးထီးမားမားရပ်တည်နိုင်ဆဲ၊
ခြ စားနေတဲ့ ပင်စည်နဲ့ သင်ရဲ့ရေသောက်မြစ်တချို့ကြောင့် အသင်မစိမ်းလန်းနိုင်ခဲ့ပေမယ့်
ကျိုးတိုးကျဲတဲ သင့်အရွက်တွေနဲ့ တို့တတွေ အရိပ်ခိုနားခွင့်ရခဲ့
အနာဂတ်မျှော်လင့်ချက်တွေ ရှင်သန်နိုင်ခဲ့။
ကိုယ့်ကိုယ်ကို သစ်သားမှန်းမသိတဲ့
သစ် သစ်ချင်းခုတ်တဲ့ ဇါတ်တူပုဆိန်ရိုးတွေကြောင့် အသင်ဟာ အင်အားချိနဲ့ခဲ့ရ
သင့်အကိုင်းအခက်တချို့အား မက်လုံးပေးပြီး
ခုတ်ဖြတ်သွားတဲ့ ကိုင်းဆက်သမားတွေကြောင့်
သင်ဟာ ရွက်နုတွေ မဝေဆာနိုင်ခဲ့
အသင့်အား သစ္စာဖေါက်ပြားပစ်ခွါသွားပြီး
လွင့်စင်သွားတဲ့သင့်ရဲ့မျိုးစေ့တို့သည်လည်း
မဟာမျိုးခြားပင်ရဲ့လောင်းရိပ်အောက်မှာ
အညှောင့်အစို့လေးတောင် မထောင်ထွက်နိုင်
လုံးပါးပါးကာ ကိုယ့်အရိပ်ကိုယ်လန့်နေကြရ
တေမိမင်းဝင်စားတဲ့ င အ တွေလို ဆွံ့အနေကြ။
သို့သော်----သင်ဟာ ထိုဒဏ်အပေါင်း ခညောင်းရောက်ရှိလဲ ဂရုမမူ
လွတ်လပ်ခြင်းလမ်းကို လမ်းပြဆောင်သူ
အနာဂတ်မျိုးဆက်ရှင်သန်ရန်အရေး
လိုအပ်တဲ့အရိပ်ကောင်း သစ်တပင်အတွက်
အဆိပ်မဲ့တဲ့ လောင်းရိပ်တခု ဖန်တီးနိုင်ဖို့
အသင်ထာဝရ ရှင်သန်နေရဦးမယ်
အို---အသင်သစ်ပင်
စ,အိုင်ခန့် (နှင်းခဲမြေ)
No comments:
Post a Comment